A. Pangerten
Drama mujudake
crita gancaran kang ngandharake lelakone manungsa utawa kahanan tartamtu
ditulis kanthi wujud pacaturan lan dipentasake ing panggung.
B. Titikane drama
1. Wujud crita kang diandharake nganggo pacelathon lan
dipentasake.
2. Nyritakake lelakon manungsa utawa kahanan sakiwa tengene
manungsa.
3. Pacelathon digawe wujud babak 1…. 2…. Lan sateruse.
4. Kahanan sakiwa tengene kadadeyan ditulis, lumrahe sajrone
tandha kurung.
5. Amarga
dipentasake, mula merlokake ubarampe pentas.
C. Jinise Drama
1. Komedi yaiku drama sing ngandharake lelakon kang lucu saengga
ndadekake wong kang nonton ngguyu lan seneng.
2. Tragedi yaiku drama kang ngandharake lelakon sing sedhih,
nrenyuhakelan ndadekake wong kang nonton dadi trenyuh, wedi lan nelangsa.
3. Sendratari yaiku drama sing wujude seni drama lan tari. Crita
drama diwujudake lumantar gerakan tari kang kairingi gamelan.
4. Tablo yaiku drama kang dipentasake lumantar swara saka mburine
keber/ panggung. Paraga ing panggung mung nggambarake lan mragakake wae.
5. Opera yaiku drama dipentasake kanthi iringan lelagon lan musik.
Yen pamentasan mung sadhela diarani operet.
6. Pantomim yaiku drama sing dipentasake lumantar obahe awak/
isyarat. Alur crita uga digambarake lumantar gerak.
7. Dhagelan
yaiku drama kang dipentasake mung kanggo ngguyokake penonton. Dhagelan luwih
prasaja tinimbang komedi.
D. Unsur-Unsur Kang Ana Ing Drama
Lumrahe unsur drama padha wae karo karya sastra fiksi liyane.
Drama kasusun saka unsur intrinsik lan ekstrinsik.
1. Unsur intrinsik yaiku unsur kang ana ing
sajroning drama.
a. Tema : Gagasan utama kang diandharake pangripta utawa
pengarang.
b. Paraga : Pawongan kang ana ing sajroning drama.
c. Pamaragan : watak paraga kang ana ing sajroning drama. Kanggo
mangerteni watake paraga saka pacelathon bisa rong cara.
·
Saka tembung-tembung kang
diomongake paraga nalika nganakake pacelathon karo paraga liya.
·
Saka tetembungan kang diomongake
paraga liya nalika ngomongake dheweke.
d. Alur : Urut-urutan crita kang ana ing sajroning drama. Nalika
crita diwiwiti nganti paripurna. Alur dhewe diperang dadi telu yaiku alur maju,
mundur lan campuran.
e. Konflik : Inti saka drama.
f. Pepeling : Pesen pangripta kang arep diaturake marang pamaos.
Tujuwane amrih para pamaos nindakake apa kang dikarepake pangripta. Kanggo bisa
nemtokake pesen saka pangripta kudu
1) Mangerteni kanthi temen isine crita.
2) Nggawe
dudutan saka isine crita.
2. Unsur ekstrinsik yaiku unsur kang ana ing
sanjabane dramananging, nduweni pangaribawa kang gedhe. Upamane faktor-faktor
sosial politik nalika naskah drama diciptakake, faktor ekonomi, faktor
lingkungan pangripta lsp.
